Inicio › Permiso B · Coche
Permiso B · CocheO carné de coche, sen letra pequena
Que che piden, que inclúe a matrícula, como son os exames e canto se tarda. En Ribeira e en Porto do Son.
- 18 anosIdade mínima para ter o permiso
- 2–3 mesesO que adoita tardar un alumno noso
- 30 preguntasExame teórico, con 3 fallos como máximo
- 10 anosValidez do permiso ata os 65 anos
Que podes conducir
- Coches e furgonetas de ata 3.500 kg, con oito pasaxeiros como máximo ademais do condutor.
- Eses mesmos vehículos cun remolque lixeiro, de ata 750 kg.
- Ciclomotores.
- Aos tres anos de ter o permiso, motos de ata 125 cc (as do A1), só dentro de España.
Que che piden
- Ter 18 anos feitos para obter o permiso.
- Vivir en España.
- Pasar o recoñecemento médico nun centro de recoñecemento de condutores. O informe vale 90 días.
- Non ter retirado o dereito a conducir por un xuíz nin por Tráfico.
Que inclúe a matrícula
- Acceso ás clases teóricas.
- Os libros.
- Test en liña para practicar desde o móbil ou o ordenador.
- Carpeta e bolígrafo.
- Levámoste e traémoste o día do exame teórico.
Que tes que traer
Para matricularte abonda co teu DNI ou NIE en vigor.
O recoñecemento médico, que pide Tráfico para poder examinarte, falo máis adiante: nós dicímosche cando e onde.
Podes adiantar os teus datos coa prematrícula.
Como son os exames
Son dous, e fainos Tráfico. Nós preparámoste e presentámoste cando esteas listo.
1. Teórico
Un test de 30 preguntas. Aprobas con 3 fallos ou menos. Unha vez aprobado, tes dous anos para sacar o práctico; se pasan, hai que repetilo.
2. Práctico
Conduces por rúas e estradas abertas ao tráfico, co teu profesor ao lado e o examinador de Tráfico detrás. Cando aprobas, Tráfico dáche un permiso provisional para conducir mentres non chega o definitivo.
A taxa de Tráfico dá dereito a dous intentos en total. Se suspendes dúas veces, sexa o teórico ou o práctico, hai que pagala de novo.
Canto se tarda
O normal é sacalo entre dous e tres meses. Depende do que tardes en preparar o teórico e das prácticas que precises.
A espera para examinarse cambia segundo a época: no inverno pode ser dunha ou dúas semanas; no verán, cando hai máis xente, é máis longa. Se tes présa, mellor empezar antes do verán.
Canto custa
Depende sobre todo das clases prácticas que precise cada persoa, por iso non hai un prezo único. Dinos o teu caso e dámosche o orzamento detallado, sen compromiso.
Pide o teu orzamentoOs nosos resultados, cos datos da DGT
de aptos no exame práctico de coche, na sede de Ribeira
Exame de circulación do permiso B, de xaneiro a outubro de 2026: 87 aptos en 133 exames. Fonte: DGT, microdatos de exames por autoescola (autoescola C 0258, sección 01).
Preguntas que nos fan moito
Podo sacar o carné aos 17 anos?
Aínda non. Unha norma europea vai permitir conducir aos 17 con acompañante, pero España aínda non a puxo en marcha. Contámoscho na guía do carné aos 17.
Que pasa se suspendo?
Podes volver presentarte. A taxa de Tráfico cobre dous intentos; ao segundo suspenso hai que renovala. O teórico aprobado gárdase dous anos.
Co permiso B podo levar unha moto?
Ciclomotores, desde o primeiro día. Motos de ata 125 cc, cando o permiso B teña tres anos, e só dentro de España.
Cando podo conducir despois de aprobar?
En canto sae o aprobado: Tráfico dáche un permiso provisional que vale tres meses en España, ata que che chegue o definitivo á casa. Durante o primeiro ano tes que levar o «L» e empezas con 8 puntos.
Cada canto se renova?
Cada dez anos ata os 65 anos, e cada cinco a partir de aí.
Hai axudas para pagar o carné?
A Xunta convocou outros anos axudas para a mocidade. Mira a guía das axudas.
Empezamos?
Escríbenos e dicímosche que traer, cando podes empezar e canto che vai custar.
